Scho seit a paar Stund
an Grashalm im Mund
lieg I im Schatten von am Baum
und konns net glaubn 

De Sonn auf da Haut
und d´Wärm so vertraut
und da Wind schieabt a Wolkn Hei
an mir vorbei

Und s´Abendliacht malt mir a Sommerbuid
nur mit gold und violett und rosarot
da Wind spuit in de Haar
und langsam werd mir klar
wiavui unwichtig waar

Des is da Sommer,  I bin ganz gwiß
des is des Gfui,  des I mei Lebtag lang ned vergiß
Des is da Sommer,  I bin ganz gwiß
und lass mi alt werdn,  lass mi jung sterbn,  I habs gspürt
und I woaß, dass i´s nia vergiß

Schau drauß aufm Feld
werds Troad scho ganz gelb
und ganz hint am Waldrand sitz a Has
im hohen Gras

Schaug hi, wia er lacht
ois waar ois für eahm gmacht
fragt si ned woher er kimmt
und ob sei Leben stimmt

Und in mir breit si a Frieden aus
hab koa Angst mehr, irgendwia wird des scho werdn
s´ Gebetleutn fangt o
wia vui wart draußn no
was ma ofanga ko

Des is da Sommer,  I bin ganz gwiß ....

Und s´Abendliacht malt mir a Sommerbuid ....

Des is da Sommer,  I bin ganz gwiß ....